Europana Komisiono
![](https://cdn.statically.io/img/upload.wikimedia.org/wikipedia/commons/thumb/8/84/European_Commission.svg/220px-European_Commission.svg.png)
La Europana Komisiono esas un ek la precipua institucuri di Europan Uniono, ultre l'Europana Konsilistaro e l'Europana Parlamento.
Ol institucesis dal kontrato di Roma di 1957 (artikli 155 til 163), e konsistas ek un Europana komisionano por singla membra stato, t.e. 27 komisionani quin propozas la statestri o chefministri dil membra stati, e quin aprobas la Europana Parlamento.
![](https://cdn.statically.io/img/upload.wikimedia.org/wikipedia/commons/thumb/5/57/%28Ursula_von_der_Leyen%29_2019.07.16._Ursula_von_der_Leyen_presents_her_vision_to_MEPs_2_%28cropped%29.jpg/220px-%28Ursula_von_der_Leyen%29_2019.07.16._Ursula_von_der_Leyen_presents_her_vision_to_MEPs_2_%28cropped%29.jpg)
![](https://cdn.statically.io/img/upload.wikimedia.org/wikipedia/commons/thumb/d/d2/Belgique_-_Bruxelles_-_Schuman_-_Berlaymont_-_01.jpg/220px-Belgique_-_Bruxelles_-_Schuman_-_Berlaymont_-_01.jpg)
Lua nuna prezidanto esas la Germanino Ursula von der Leyen. Lua sideyo stacas en Bruxel, en l'edifico Berlaymont (an la angulo dil bulvardo Karel de Grote/Charlemagne e dil strado Wet/Loi).
La precipua rolo dil Europana Komisiono esas propozar ed exekutar la Europana politiki, ed anke protektar la Europana kontrati.
Kompetenteso[redaktar | redaktar fonto]
La artiklo 211 dil kontrato di Roma grantas a la Komisiono tri precipua roli:
- protektar la Europana kontrati;
- propozar la Europana legi;
- exekutar la Europana legi.
Pluse la Komisiono:
- negocias komercal interkonsenti e kontrati kun extera stati;
- facas la budjetala preprojeto;
- jeras la Europana subvencii.
La nuna kompetenteso di la Komisiono listigesas en la artiklo 17 dil kontrato pri Europan Uniono.
Konsisto[redaktar | redaktar fonto]
Funcionado[redaktar | redaktar fonto]
Decidala proceso[redaktar | redaktar fonto]
La Europana Komisiono havas monopolo pri iniciivo di la Europana legi. Nur olu propozas; pose diskutas e kundecidas la Europana Konsilistaro e la Europana Parlamento. Tamen pri extera relati e sekureso la Europana Komisiono kunhavas iniciivo kun la Europana Konsilistaro.
La Komisiono helpesas da generala sekretariato, 44 generala direkterii e serverii. La generala direkterii konsultas lobii e nacional administracii por propozar legi.
Komunikado e lingui[redaktar | redaktar fonto]
La Europana Komisiono principe devas aplikar la linguala politiko di Europan Uniono. Tamen la laborala lingui di la Komisiono esas la Angla, Franca e Germana. Ma konstatesas ke la Angla esas la precipua linguo uzata da la Komisiono.