डिजाइन

HP smart tank 580 एक गुड लुकिंग प्रिंटर म्हणता येईल, जो कॉम्पॅक्ट डिजाइनसह सादर करण्यात आला आहे. या प्रिंटरमध्ये तीन रंगांचा वापर करण्यात आला आहे. याचं स्कॅनिंग लीड लाइट ग्रे रंगाचं आहे तर बाजूला डार्क ग्रे कलर मिळतो आणि उर्वरित प्रिंटरसाठी व्हाईट कलर वापरण्यात आला आहे. टॉपला स्कॅनर लीड, कंट्रोल बटन्स आणि टास्क स्टेट्स दाखवण्यासाठी एक छोटा डिस्प्ले देण्यात आला आहे. बिल्ड क्वॉलिटीमध्ये कोणतीही तडजोड केल्याचं दिसत नाही. यासाठी मजबूत मटेरियल्सचा वापर करण्यात आला आहे. विशेष म्हणजे कंपनीनं यात रिसायकल्ड मटेरियल्सचा वापर केला आहे.

फ्रंटला प्रिंट ट्रे आहे जो फोल्ड करून प्रिंटरच्या बॉडीमध्ये ठेवता येतो. तर प्रिंटर फीडर टॉपला आहे, तोही फोल्डेबल डिजाईनसह येतो. त्याच्या बाजूला इंकचं स्टेटस दाखण्यासाठी चार पारदर्शी इंक टँक आहेत. या प्रिंटरच्या बॉक्समध्ये दोन ब्लॅक, एक येलो, एक स्यान आणि एक मजेंटा अशा पाच रंगाच्या इंक बॉटल्स मिळतात. सोबत एक कनेक्टर आणि यूएसबी केबल मिळते. प्रिंटर सोबत आलेला मॅन्युअल सेटअपमध्ये मदत करतो परंतु कंपनीच्या ‘एचपी स्मार्ट’ अ‍ॅपमधील अ‍ॅनिमेशनमुळे सेटअप आणखी सोपा होतो.

फीचर्स आणि स्पेसिफिकेशन्स

हा प्रिंटर फक्त काही मिनिटांत सेटअप झाला आणि प्रिंटिंगसाठी रेडी होता. एचपी स्मार्ट अ‍ॅपच्या मदतीनं तुम्ही हा प्रिंटर तुमच्या वायफायशी कनेक्ट करू शकता आणि जगभरात कुठूनही तुम्ही या प्रिंटरला प्रिंटची कमांड देऊ शकता. बेस्ट कनेक्शनसाठी सेल्फ-हीलिंग वाय-फायचं फिचर देण्यात आलं आहे. तसेच वापरात नसताना हा प्रिंटर आपोआप बंद होतो आणि प्रिंट कमांड दिल्यावर चालू होतो, त्यामुळे विजेची बचत होते.

एचपीच्या या नवीन इंक टँक प्रिंटर्स सोबत ग्राहकांना मिळणाऱ्या पाच इंक बॉटल्स 18,000 ब्लॅक अँड व्हाईट पेजेस किंवा जवळपास 6,000 रंगीत पेजेस प्रिंट करू शकतात. हा प्रिंटर एका मिनिटाला 12 ब्लॅक अँड व्हाइट किंवा 5 रंगीत प्रिंट देऊ शकतो, इतका हा वेगवान आहे.

आम्हाला आवडलेल्या गोष्टी

काही दिवस वापरल्यानंतर हा प्रिंटर सूक्ष्म आणि लघु उद्योजकांच्या गरजा बघून डिजाईन करण्यात आल्याचं समजलं. त्यामुळे कमी किंमतीत जास्त पेक्षा जास्त प्रिंटिंग केली जाऊ शकते. तसेच घरगुती वापरासाठी देखील हा एक चांगला प्रिंटर आहे. कारण हा प्रिंटर खूप वेगवान आणि अचूक प्रिंट्स देतो, हे रिव्यू दरम्यान दिसून आलं. प्रिंट्सची क्वॉलिटी देखील शानदार आहे.

विशेष म्हणजे या प्रिंटरमध्ये आयडी कार्ड्सच्या स्कॅनिंगसाठी खास बटन आहे. हे बटन दाबल्यानंतर तुम्ही स्कॅन एरियामध्ये कुठूही आयडी कार्ड ठेवला तरी प्रिंटर त्याला स्मार्ट पद्धतीने पानावर ठेवतो तसेच आयडी कार्डची दुसरी बाजू देखील एकाच कागदावर प्रिंट करण्यास मदत करतो, हे एक आम्हाला आवडलेलं फिचर आहे. गरज नसल्यास या प्रिंटरचा पेपर फिडर आणि प्रिंट ट्रे फोल्ड करता येतो, त्यामुळे जागा कमी लागते. तसेच प्रिंट कमांड देताच काही क्षणात प्रिंटिंग सुरु होते. HP Smart Tank 580 च्या या गोष्टी आवडल्या.

निष्कर्ष

जर तुम्ही एखादा छोटा उद्योग करत असाल आणि तुम्हाला वारंवार प्रिंटिंगची गरज असेल किंवा तुम्ही घरासाठी एखादा चांगला प्रिंटर शोधत असाल तर तुम्ही एचपी स्मार्ट टँक 580 प्रिंटर विकत घेऊ शकता. हा एक फायदेशीर सौदा ठरेल. हा प्रिंटर लाइटवेट आहे आणि खूप कमी जागा घेतो इतकेच नव्हे तर हा वायफायशी कनेक्ट होऊन वेगानं प्रिंट कमांड हाताळतो. प्रिंटच दर्जा देखील अव्वल आहे आणि खर्च देखील खूप कमी आहे.

The post HP Smart Tank 580 Printer Review: छोट्या उद्योजकांसाठी बेस्ट प्रिंटर; प्रिंटिंग कॉस्ट कमी करण्यासाठी नवा पर्याय first appeared on 91Mobiles Marathi.

डिजाइन

सर्वप्रथम डिजाइन पाहता, जुन्या मॉडेलच्या तुलनेत Buds 2 Pro खूप बदलण्यात आले आहेत. कंपनीनं चौकोनी केसमध्ये हे सादर केले आहेत आणि ज्या रंगाची केस आहे त्याच कलरमध्ये इअरबड्स मिळतात, ही एक चांगली बाब आहे. कंपनीनं हे मॅट कोटिंगसह सादर केले आहेत, त्यामुळे तुम्ही हे कानात जेव्हा घालता तेव्हा हलत नाहीत आणि चांगल्या प्रकारे चिटकतात. ग्लॉसी डिजाइनपेक्षा हे खूप चॅनल आणि स्वच्छ वाटतात. हे देखील वाचा: Upcoming smartphones November 2022: वनप्लसच्या परवडणाऱ्या स्मार्टफोनसह ‘हे’ हँडसेट येत आहेत या महिन्यात, पाहा यादी

तसेच बड्स 2 पेक्षा हे थोडे छोटे झाले आहेत त्यामुळे कानाचा आकार कसाही असला तरी हे फिट होतात. हे इअरबड कानात असे फिट होतात की तुम्ही किती देखील मान हलवली तरी पडत नाहीत. त्यामुळे तुम्ही जिममध्ये असाल, जॉगिंग करत असाल किंवा एखाद्या म्यूजिक पार्टीमध्ये देखील हे कानात अनकंफर्टेबल वाटत नाहीत.

जुन्या गॅलेक्सी बड्सचं वजन 6 ग्राम पेक्षा जास्त होतं. पंरतु यावेळी कंपनीनं वजन फक्त 5.5 ग्राम ठेवलं आहे. एक ग्राम तुम्हाला कमी वाटत असेल परंतु दीर्घकाळ वापर करणाऱ्यांना यातील फरक जाणवतो. केससह हे इअरबड 43.4 ग्रामचे आहेत.

Samsung Galaxy Buds 2 Pro IPX7 सर्टिफाइड आहे. त्यामुळे कोणत्याही मौसमात हे सहज वापरता येतात. घाम किंवा पावसामुळे हे खराब होत नाहीत. हे घालून तुम्ही स्विमिंग पुलमध्ये देखील जाऊ शकता. एक मीटर पाण्यात हे 30 मिनिटे सुरक्षित राहू शकतात. एकंदरीत डिजाइनमध्ये तुम्हाला तक्रारीची संधी मिळणार नाही. हे देखील वाचा: 5G Supported Smartphones: या स्मार्टफोन्सवर वापरता येईल Airtel आणि Jio चं 5G; नवी यादी आली समोर

हार्डवेयर

Samsung Galaxy Buds 2 Pro कंपनीनं 10mm साउंड ड्राईव्हरसह सादर केले आहेत आणि यात तुम्हाला 5mm चा ट्विटर मिळतो. हा कॉम्बिनेशन दोन्ही बड्समध्ये आहे. या इअरबडमध्ये 61 mAh ची बॅटरी मिळते तर केसमध्ये 515mAh ची बॅटरी आहे. कंपनीनं यात 6 माइक दिले आहेत. जे तुम्हाला एएनसी म्हणजे अ‍ॅक्टिव्ह नॉइज कॅन्सलेशनसह अँबियन्त साउंड सारखे फीचर्स देतात. तसेच कंपनीनं एक्सेलेरोमीटर, जायरो सेन्सर, हॉल सेन्सर, प्रॉक्सिमिटी सेन्सर आणि टच सेन्सर देखील दिले आहेत. हार्डवेयर खूप अ‍ॅडव्हान्स आहे, असं म्हणता येईल. तसेच चार्जिंगसाठी तुम्हाला यूएसबी टाइप-सी पोर्ट मिळतो.

परफॉर्मन्स

परफॉर्मन्समध्ये सर्वप्रथम बॅटरी बद्दल बोलूया. कंपनीनं दावा केला आहे की हे इअरबड 3.5 तासांचा टॉक टाइम देऊ शकतात. तसेच केससह तुम्हाला 14 तासांचा टॉक टाइम मिळतो. हा बॅकअप तुम्हाला एएनसीसह मिळतो, ही चांगली बाब आहे. अर्थात जर तुम्ही ANC म्हणजे अ‍ॅक्टिव्ह नॉइज कॅन्सलेशन बंद केलं तर बॅकअप वाढतो. ऑडियो प्लेबॅक पाहता इअरबडमधून 5 तासांचा बॅकअप मिळतो तर केससह 18 तासांचा प्ले टाइम आहे. हा चांगला आहे परंतु अजून चांगला होऊ शकला असता. केससह 20 तासांपेक्षा जास्त म्यूजिक प्ले टाइम असता तर तो चांगला म्हणता आला असता. चार्जिंगसाठी हे इअरबड 70 मिनिटापेक्षा जास्त वेळ घेतात. परंतु यात वायरलेस चार्जिंग सपोर्ट आहे , जी एक चांगली बाब आहे. तुमच्याकडे गॅलेक्सीचा हाय एन्ड फोन असेल तर तुम्ही त्यावर हे चार्ज करू शकता. हे खूप उपयोगी फीचर असलं तरी यात चार्जिंग खूप मंदगतीने होते. 30 मिनिटांत 25 टक्क्यांच्या आसपास चार्ज होतात.

आता कॉलिंग फीचर्सवर येऊया जे तुम्हाला खूप इम्प्रेस करतील. हे इअरबड कानात चांगल्या प्रकारे अ‍ॅडजस्ट होतात आणि जर तुम्ही नॉइज कॅन्सलेशन ऑन केलं तर खूप कमी आवाज आत येतो. काही ठिकाणी थोडी समस्या आली परंतु बड्स अ‍ॅडजस्ट केल्यावर ती गेली. अँबियन्ट साउंड खूप चांगला चालतो. एखादी अनाउंसमेंट ऐकताना तुम्हाला खूप चांगला अनुभव मिळतो.

कॉलनंतर म्यूजिक बद्दल बोलूया जिथे वेगळाच एक्सपीरियंस मिळेल. काही लोक म्हणून शकतात की बेस थोडा कमी आहे. साउंड क्वॉलिटी खूप चांगली आहे. कंपनीनं यात टू वे स्पिकरचा वापर केला आहे जे 24 बिट्स हाय फाय ऑडियोला सपोर्ट करतात. त्यामुळे क्वॉलिटीशी कोणतीही तडजोड करण्यात आलेली नाही. तसेच तुम्हाला 360 डिग्री ऑडियो सपोर्ट मिळतो. त्यामुळे तुम्ही थिएटरचा अनुभव घेऊ शकाल. तसेच सॅमसंगच्या अन्य ऑडियो प्रोडक्ट प्रमाणे हा डिवाइस देखील AKG इंटिग्रेशनसह येतो.

कंपनीनं हे एयरवेंटला सपोर्टसह सादर केले आहेत. त्यामुळे कानात हे इअरबड पूर्णपणे अ‍ॅडजस्ट झाल्यावर देखील कान जाम झाल्यासारखे वाटत नाहीत उलट हवा खेळती राहते. तसेच एयरपोर्ट किंवा स्टेशन्सवर बाहेरील सूचना ऐकण्यासाठी यातील अँबियन्ट साउंड फिचर चांगली मदत करतं. सॅमसंग गॅलेक्सी बड्स 2 प्रो कंपनीनं ब्लूटूथ 5.3 वर सादर केले आहेत आणि यात ऑडियोसाठी HiFi,AAC आणि SBC सह अन्य फॉर्मेटचा सपोर्ट मिळतो.

स्मार्ट फीचर

Samsung Galaxy Buds 2 Pro मध्ये तुम्हाला साधारण टॉप टू आन्सर कॉल व्यतिरिक्त वॉल्यूम कंट्रोलसह अन्य फीचर्स मिळतात. तसेच कंपनीनं यात काही खास फीचर्स दिले आहेत, ज्यामुळे वापर सोपा होता. जसे की केस ओपन करताच सॅमसंग फोन हे डिटेक्ट करतात आणि तुमच्या फोनवर पॉपअप मेसेज येतो. इथे फक्त काही क्लिकमध्ये हा डिवाइस तुमच्या फोनशी कनेक्ट होतो. इतकेच नव्हे तर तुमच्या अ‍ॅक्टिव्हिटीनुसार हे स्वतःहून फोन, टॅबलेट आणि वॉचवर शिफ्ट होतात.

जर तुम्ही टीव्ही पाहत असाल आणि टीव्हीशी तुमचे बड कनेक्टेड असतील तर कॉल आल्यावर फोनचा वापर करण्याची गरज नाही. फक्त डबल टॅप करून कॉल इअरबडवर घेता येतो. सॅमसंग फोन व्यतिरिक्त हे तुम्ही अँड्रॉइड आणि आयओएस डिवाइससह पेयर करू शकता. परंतु अन्य डिवाइसवर तेवढे फीचर्स मिळत नाहीत जितके सॅमसंग फोनवर मिळतात. यातील फाइंड माय इअरबड्स फीचर देखील चांगलं आहे. जर चुकून तुम्ही तुमचे टीडब्लूएस एखाद्या ठिकाणी ठेवले तर फोनवर्ण फाइंड माय इअरबड्सच्या माध्यमातून हे शोधू शकता.

निष्कर्ष

Samsung Galaxy Buds 2 Pro बाबत सर्वकाही जाणून घेतल्यानंतर जेव्हा किंमतीचा विषय निघतो तेव्हा हे इअरबड्स 17,999 रुपयांमध्ये सेलसाठी उपलब्ध आहेत. प्राइस थोडी जास्त आहे परंतु प्रीमियम ग्रेड TWS साठी इतके पैसे मोजावे लागतात. हे पूर्णपणे वॉटरप्रूफ आहेत. साउंड क्वॉलिटी प्राइस सेगमेंटमध्ये सर्वात बेस्ट म्हणता येईल. बेस थोडा कमी परंतु इंट्रूमेंट्सचा आवाज ज्याप्रकारे येतो तो ऐकल्यानंतर हे लवकर कानातून काढावे वाटत नाहीत. यांना पर्याय म्हणून तुम्ही New Apple AirPods थर्ड जेनरेशन, LG Tone Free FP9 आणि Sony Link Buds WF L900 चा विचार करू शकता.

लेटेस्ट मोबाइल आणि टेक न्यूज, गॅजेट्स रिव्यूज आणि रिचार्ज प्लॅनसाठी 91mobiles मराठी ला Facebook वर फॉलो करा.

The post Samsung Galaxy Buds 2 Pro रिव्यू: या क्वॉलिटीला तोड नाही! first appeared on 91Mobiles Marathi.